Ólafur Ingi Gunnarsson og Jóel Hannesson hafa verið dæmdir í þriggja ára fangelsi fyrir bankarán í Borgartúni. Réðust þeir vopnaðir inn í Landsbankann í lok desember í fyrra vopnaðir eftirlíkingu af byssu. Ógnuðu þeir starfsfólki og höfðu 588 þúsund krónur, rétt rúmlega þúsund evrur, tíu þúsund japönsk jen, 500 danskar krónur og tuttugu pund upp úr krafsinu.
Ólafur og Jóel komust undan á stolnum sendibíl. Þá var myndum af þeim félögum dreift til fjölmiðla og gáfu þeir sig fram við lögreglu undir kvöld. Þá vísuðu þeir á ránsfenginn. Mennirnir voru dæmdir í héraðsdómi í þriggja ára fangelsi. Ríkissaksóknari krafðist þess að refsing yrði þyngd og skaut málinu til Hæstaréttar sem staðfesti dóm héraðsdóms.