Konu, sem starfaði í skartgripaversluninni Pandora, hefur verið hrósað hástert fyrir að koma upp um framhjáhald karlmanns.

Konan heitir Eli og segir frá því í myndbandi á TIkTok að maðurinn hefði komið í verslunina á meðan hún var að vinna og keypt tvo hringi. Einn fyrir kærustuna og einn fyrir hjákonuna.

Eli hætti nýlega í vinnunni en áður en hún hætti nýtti hún tækifærið til að koma upp um hann. „Ef kærasti þinn heitir Jake og býr í Montreal, þá var hann að kaupa tvo hringi fyrir „kærustuna og hjákonuna“,“ segir Eli í myndbandinu og sýnir síðan hringina sem maðurinn keypti.

„Þetta eru hringirnir. Þú átt betra skilið,“ segir hún.

@ferreirorocheGotta support my girls ##foryou ##fyp♬ telephone – favsoundds

„Ég hætti í síðustu viku og beið þar til ég var að vinna síðustu vaktina til að koma upp um hann,“ segir Eli.

Í öðru myndbandi sem kom út seint í gærkvöldi gefur Eli uppfærslu á stöðunni. „Það komst upp um hann! Ég fékk einkaskilaboð fyrir nokkrum dögum og var beðin um að staðfesta mynd af honum. Þær vissu hvorugar af hvor annarri en þær vilja ekki koma fram undir nafni. Þær hættu báðar með honum og við þrjár erum allar í samskiptum.“