Leikarinn og grínistinn Sveppi er nýjasti gestur Egils Ploders í Burning Questions. Í þættinum svarar hann erfiðum og skemmtilegum spurningum. Hann byrjar á því að telja upp nokkur helstu heimskupörin sem hann hefur gert.

„[Ég hef] borðað orma, pissað í buxurnar, hlaupið allsber niður Laugaveginn, étið forsíðu DV, verið með strap on/dildo á Laugaveginum og flassað fólk, svona sitt lítið af hverju. Þetta er svona það fyrsta sem ég man,“ segir hann.

Sveppi hefur margsinnis komist í kast við lögin.

„Ég hef verið handtekinn út af alls konar. Ég var einu sinni handtekinn þegar ég var á balli á Selfossi og var að reyna að rífa míkrafóninn af Gunna Óla í Skítamóral og dyravörðurinn henti mér út. Löggan kom og sótti mig og ég svaf í fangageymslu á Selfossi. Svo braust ég einu sinni inn í Vífilfell,“

segir Sveppi og heldur áfram: „Páskana 90 og eitthvað, þá brutumst við inn í sendiferðabíl [fyrir utan Vífilfell] og stálum farsíma, kraftgalla og nokkrum Fanta lemon.“

Sveppi segir svo nánar frá atvikinu í þættinum sem má horfa á hér að neðan.

View this post on Instagram

1️⃣ FYRSTI PARTUR 1️⃣ Gestur vikunnar í Burning Questions þarf enga kynningu❗️ Sveppi er mættur í settið hjá Agli Ploder 🔥🔥 Hvað er það ólöglegasta sem hann hefur gert? Hvað er það heimskulegasta? Hvað er það óþæginlegasta sem hann hefur gert á ferlinum? Þetta og miklu meira til í þessum fyrsta parti af Sveppa í Burning Questions. Partur 2 er væntanlegur í byrjun næstu viku 🙏🏻 Burning Questions er í boði Fanta Ísland og Maarud

A post shared by Áttan Miðlar (@attanmidlar) on Apr 17, 2020 at 11:28am PDT