Eftir snjóþunga daga hvetur Jón Páll Hreinsson bæjarstjór í Bolungarvík íbúa til bjóða nágrönnum og samborgurum og moka eins og einar aukatröppur eða eitt viðbótarbílastæði. Bæjarstjórinn býður jafnframt sjálfur fram aðstoð sína og bendir á að á dögum sem þessum sem samfélag bæjarins sterkast.
„Vantar einhvern að láta moka tröppur eða bílastæði?“ spyr Jón Páll á facebooksíðu sinni og birtir meðfylgjandi mynd sem sýna vel hversu djúpur snjór liggur yfir bænum.
„Það er búið að kyngja niður snjó undanfarna daga hérna í Bolungarvík. Þótt göturnar séu færar, þá hefur líka safnast mikill snjór á bílastæði og uppað húsum og tröppum víðast hvar. Ég fór heim í hádeginu og mokaði tröppurnar og frá ruslatunnunum. Ekkert til að monta sig af svosem.“
Jón Páll kveðst þó vera viss um að einhverjir aðrir sé í vandræðum með að losa bílana sýna úr bílastæðum eða moka frá þannig að hægt sé að komast út, til að mynda þeir sem eru aldraðir eða veikir. Þá hikar hann ekki við að bjóða fram krafta sína.
„Ég er líka viss um að það eru fullt og hraustu og viljugu fólki um allan bæ sem eru til í að moka auka tröppur eða losa einn bíl í viðbót af bílastæði fyrir þá sem þurfa á því að halda. Ég er amk til! Ef einhverjum vantar að láta moka frá hjá sér, þá má hafa samband við mig hér eða bara hringja í s.8994311 og ég kem við seinnipartinn eftir vinnu.
