„Það hefði nú alveg verið þess virði að kippa af sér toppnum,“ segir Ásdís Rán Gunnarsdóttir en hún er á meðal þeirra Íslendinga sem erlendir fjölmiðlar fengu til að tjá sig um fótbolta og velgengni íslenska liðsins á EM undanfarnar vikur.

Hún er þó kannski eini viðmælandinn sem lofaði að rífa sig úr að ofan ef Íslendingar ynnu leikinn við Frakka, en það var í viðtali við búlgarska miðilinn 24 Yaca.

Í samtali við DV segist Ásdís sannarlega hafa staðið við það ef úrslit leiksins hefðu orðið önnur.

„Fyrst konur geta gengið niður Laugaveginn út af „free the nipple“-átakinu, þá finnst mér þetta enn betri ástæða!“