Dóri DNA og Jón Gnarr voru gestir í þætti Gísla Marteins. Þar voru atburðir síðustu daga ræddir. Dóri tjáði þar skoðun sína á því að Sigurður Ingi væri sestur í stól forsætisráðherra í stað Sigmundar Davíðs Gunnlaugssonar sem sagði af sér. Sigmundur verður óbreyttur þingmaður og áfram formaður Framsóknarflokksins.
Dóri sló á létta strengi og sagði:
„Mig langar nefnilega ekki að gera grín að þessu. Manni líður smá eins og mamma manns hafi komið til manns og sagt: Jæja, nú er hann pabbi þinn á leið í meðferð. En drykkjufélagi hans ætlar að búa hérna hjá okkur á meðan.“
Við það skellti Jón Gnarr upp úr og bætti við: „Og hann er ekki að fara í meðferð.“
Hér má sjá þetta brot úr þættinum sem hefur vakið athygli á samfélagsmiðlum.
[youtube https://www.youtube.com/watch?v=bSq0TKll2rY&w=640&h=360]
