Skipuleggjendur Secret Solstice hafa ákveðið að aflýsa tónleikum með Africa Bambaataa vegna ásakana um kynferðislega misnotkun, eins og greint var frá á DV.is í morgun.

Sjá einni: Meintur barnaníðingur spilar á Secret Solstice

Ósk Gunnarsdóttir, fjölmiðlafulltrúi Secret Solstice hátíðarinnar, sagði í samtali við DV að það hefði verið ákveðið á fundi í vikunni að aflýsa samstarfi við tónlistarmanninn af þessum sökum og til stóð að senda tilkynningu þess efnis á morgun að hennar sögn.

Africa Bambaataa Tónlistarmaðurinn Africa Bambaataa mun ekki koma fram á hátíðinni.

Það var New York Daily News sem greindu fyrst frá málinu í fyrir rúmri viku síðan en þá stigu fjórir karlmenn fram og sögðu tónlistarmanninn Kevin Donovan hafa misnotað sig sem börn.

Afrika Bambaataa var auglýstur sem eitt af atriðum Secret Solstice hátíðarinnar sem fram fer í júní næstkomandi.
Hann sló rækilega í gegn á níunda áratugnum með laginu Planet Rock.

Hann, og hljómsveit hans, Zulu Nation, eru sagðir hafa meðal annarra komið rappinu á heimskortið.

Kevin sjáfur hefur neitað ásökunum og heldur því fram að um sé að ræða einhverskonar samsæri stjórnvalda til þess að knésetja hann og hljómsveitina Zulu Nation. Eins hefur Zulu Nation, sem er nokkurskonar samtíningur af stjórnmálaþenkjandi hip hop listamönnum, einnig varið Kevin opinberlega.