„Ég hef aldrei áður grátið í þingsal. En jómfrúarræðan hennar Nichole Leigh Mosty var svo mikið dúndur að mörg hjörtu tóku kipp,“ segir Björt Ólafsdóttir þingmaður Bjartrar framtíðar. Nicole fæddist í Michigan í Bandaríkjunum en flutti til Íslands árið 1999 ásamt íslenskum eiginmanni sínum. Nicole starfaði sem leikskólakennari í Breiðholti áður en hún tók sæti á þingi fyrir Bjarta framtíð.
Björt segir einnig:
„Ég er svo stolt af henni og ánægð með Íslendinga sem að kusu sér innflytjanda inn á þing og stuðla þannig að fjölbreytni og aukinni hlustun á minnihlutahópa í íslensku samfélagi.“
