Framreiðslumaðurinn Hendrik Björn Hermannsson ­hefur opnað veitingastaðinn 59 ­Bistro Bar á Grundarfirði en hann hefur staðið í ströngu frá því í byrjun mánaðarins. Hendrik, sem er sonur Hermanns Gunnarssonar heitins , Hemma Gunn, er reynslumikill í veitingahúsabransnum og lætur hvergi bugast þrátt fyrir ýmsar hindranir en hann á þónokkurn sakaferil að baki.

Hendrik, sem meðal annars hefur staðið að rekstri skemmti­staðar­ins Players í Kópa­vogi og veitingastaðarins Skóla­brú, hefur áður komist í fréttir vegna veitingareksturs síns.

Hann, eins og áður segir, að baki nokkra refsidóma fyrir fjármálamisferli. Hann ræddi málin í viðtali við DV árið 2013, þegar hann var laus úr fangelsi. „Ég hef verið edrú í tvö og hálft ár og horfi allt öðrum augum á lífið.“

Miklar endurbætur

Fram kemur á vefsíðu Skessuhorns að ráðist hafi verið í gagngerar endurbætur á húsnæði 59 Bistro Bar frá því Hendrik tók við lyklunum í byrjun mánaðarins og að staðurinn sé glæsilegur á að líta eftir breytingarnar. Það er því ljóst að Hendrik kýs að halda ótrauður áfram þrátt fyrir ýmis skakkaföll.