Dorian Murray, átta ára drengur frá Bandaríkjunum, er ólæknandi krabbamein. Hans hinsta ósk er að verða heimsfrægur og hafa þúsundir manna hjálpað Dorian við að láta drauminn rætast.

Foreldrar Dorian ákváðu árið 2013 að binda enda á krabbameinsmeðferð hans eftir að læknar uppgötvuðu að krabbameinið hafði borist í heila hans og mænu. Þau fóru því með Dorian heim af sjúkrahúsinu til að hann gæti notið síðustu stundanna í faðmi fjölskyldunnar.

Eftir að hætt var við meðferðina bað Dorian foreldra sína um að fara með hann til Kína svo hann gæti séð Kínamúrinn. Í þeirri ferð sagði hann svo við föður sinn að hans heitasta ósk væri að verða heimsfrægur.

Faðir Dorian birti þá færslu á Facebook þar sem hann greindi frá ósk sonar síns og bað fólk um að setja myndir á Facebook undir myllumerkinu #Dstrong.

Færslan vakti mikla athygli og varð myllumerkið fljótlega eitt það allra vinsælasta á Twitter og á Facebook. Þúsundir manna hafa nú sent Dorian myndir undir myllumerkinu. Þá hafa fjölmargar stjörnur víðs vegar um heiminn sent Dorian mynd og baráttukveðjur í gegnum samfélagsmiðla í þeim tilgangi að gera hann frægan.

Í gær birti fréttastofan AJ+ myndband þar sem tekið er viðtal við Dorian. Þar sem hann sagði frá draumi sínum og baráttuna við krabbameinið.

„Áður en ég fer til himna mun ég reyna að verða eins frægur og ég get.“

Hér má sjá viðtalið við Dorian.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/is_IS/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));