Eitt glæsilegasta sumarhús landsins er til sölu. Húsið er 184 fermetrar að stærð og stendur á 15.400 fermetra eignalóð. Á skipulagi hússins er gert ráð fyrir 200 m2 hesthúsi eða skemmu.
Eignin er skráð einbýlishús og er á Borgarbraut 4, Hellu. Brunabótamat hússins er 68,9 milljónir en eigendur hússins óska eftir tilboði.
Eignin skiptist í hús á tveimur hæðum, gestahús, anddyri sem tengir húsin saman og tvö góð smáhýsi með rafmagni og hita.
Alls eru fjögur baðherbergi, tvö í húsinu, eitt í gestahúsinu og eitt í öðru smáhýsinu á pallinum. Það eru þrjú svefnherbergi, tvö stór á efri hæðinni og eitt á neðri hæð.
Það er 94 fermetra verönd með heitum potti og útsýni alla leið til Vestmannaeyja. Þessi eign er öll hin glæsilegasta og möguleiki á að kaupa hana með húsbúnaði að mestu. Frá því að núverandi eigendur tóku við húsinu hafa þau tekið eignina að mestu í gegn einnig klæddu þau bæði húsin með timburklæðningu að utan og einangruðu með steinull.
Eigendur lögðu mikið í eignina til að bjóða upp á lúxus og eru öll rúm nýleg og vönduð gisting fyrir allt að sautján manns.
Sjáðu myndirnar af glæsihýsinu.
Þú getur lesið nánar um eignina á vef Lind fasteignasölu.