Thylane Blondeau vakti fyrst athygli um allan heim árið 2006 þegar hún sat fyrir á forsíðu Vogue Enfants, tímarits sem einbeitti sér sérstaklega að barnatísku. Blondeau sem þá var aðeins fimm ára fékk í kjölfarið viðurnefnið fallegasta stúlka heimsins á árlegum lista TC Candler yfir 100 fallegustu andlit ársins.
View this post on Instagram
Blondeau, er nú orðin 24 ára, og um helgina deildi hún mynd af sér og unnustanum, franska leikaranum, Benjamin Attal. Þau hafa verið saman síðan árið 2022.
„Ég sagði já við besta vin minn. Blessun fyrir alla tíð“. Myndir sýndu augnablikið þegar Attal bað hennar á fallegum stað með útsýni yfir vatnið. Hundur parsins var með þeim á þessari rómantísku stund.
Í fyrra sótti Blondeau Miu Miu-sýninguna á Parísartískuvikunni í október 2025. Um svipað leyti deildi hún skjáskotum fylgjenda sinna á Instagram þar sem hún var spurð hvað hún hefði „gert við varirnar sínar“ og játaði hún að hún væri þreytt á þessum spurningum.
„Ég veit að margir hafa tilhneigingu til að láta laga útlit sitt mjög snemma, en ég hef aldrei látið gera neitt,“ skrifaði hún á Instagram. „Þú getur skoðað myndir af mér þegar ég var yngri, ekkert hefur breyst. Fólk elskar að bera saman og búa til hluti en bara vegna þess að ég farða mig eða nota varalit þýðir það ekki að ég hafi látið laga varirnar eða andlitið. Á einhverjum tímapunkti þurfum við að hætta þessu aðkasti vegna útlits fólks.“
