Bandaríski leikarinn Brad Pitt (61) lét dularfulla athugasemd falla um „erfiðleika“ sína í nýjasta þætti hlaðvarpsins New Heights með Travis Kelce og Jason Kelce.
Pitt var þar að ræða ást sína á NFL-liði Kansas City Chiefs, þegar Travis baðst afsökunar á tapi þeirra í Super Bowl í febrúar.
„Við náðum þér í ár. Ég brást þér,“ sagði íþróttamaðurinn í gríni.
Pitt vísaði afsökunarbeiðninni á bug og benti á að erfiðleikar væru það sem gerði íþróttamyndir svo sérstakar.
„Það er það sem ég meina með lífið. Lífið kastar til þín erfiðleikum. Stundum verður allt hljótt, lífið er fullkomið, það er stórkostlegt. Öðrum stundum kastar lífið þessum erfiðleikum í þig og það er hvernig þú tekst á við þá og hvernig þú kemur til baka frá þeim.“
Pitt deildi þó ekki nánar hverjar hans erfiðustu stundir væru.
Í síðustu viku ræddi hann um edrúmennsku sína sem gestur í hlaðvarpi Dax Shepard, Armchair Expert. Þar sagðist hann hafa farið á AA-fundi nánast á hnjánum og hafi þurft að vakna aftur til lífsins.
„Ég var að reyna allt og ekkert, allt sem einhver kastaði í mig. … Þetta var erfiður tími.“
„Ég þurfti að byrja upp á nýtt,“ hélt hann áfram, og vísaði þar greinilega til skilnaðar síns og Angelinu Jolie árið 2016 og samskiptaerfiðleika þeirra í kjölfarið hvað varðar sex börn þeirra.
Þegar Pitt og Jolie gerðu upp umdeildan skilnað sinn í fyrra var hann kominn í samband með Ines de Ramon.
