Magnús Sigurbjörnsson sem einna þekktastur er fyrir að vera bróðir Áslaugar Örnu Sigurbjörnsdóttur, þingmanns og fyrrum ráðherra Sjálfstæðisflokksins, greinir frá því í færslu á samfélagsmiðlum að hann hafi ásamt eiginkonu sinni, Aðalbjörgu Guðmundsdóttir, keypt æskuheimili þeirra systkina af föður þeirra og stjúpmóður.

Magnús hefur tekið virkan þátt í stjórnmálabaráttunni sem bakhjarl og ráðgjafi systur sinnar. Magnús hefur síðan árið 2023 starfað sem forstöðumaður Rannsóknarseturs verslunarinnar.

Um er að ræða einbýlishús við Bleikjukvísl í Ártúnsholti. Magnús greinir frá því í færslunni að fjölskyldan hafi flutt í húsið þegar hann var 10 ára en Magnús er þremur árum eldri en Áslaug Arna og því hefur hún væntanlega verið sjö ára. Systkinin eru bæði á fertugsaldri og hafa síðustu ár búið hvort í sinni íbúðinni í sama fjölbýlishúsinu í miðborg Reykjavíkur. Áslaug Arna flutti hins vegar nýlega til New York í Bandaríkjunum þar sem hún verður við nám næstu mánuði. Magnús og kona hans Aðalbjörg eiga tvö börn og hann segir í færslunni að síðasta sumar þegar Aðalbjörg gekk með yngra barnið hafi blasað við að breytinga væri þörf:

„Við sáum að það gengi ekki alveg að vera með tvö börn í einu svefnherbergi í miðbæ Reykjavíkur. Eftir að hafa skoðað allskonar og til að gera langa sögu stutta kom sú hugmynd upp hvort pabbi og Hlíf ættu ekki bara að selja okkur Bleikjukvíslina. Það gekk upp og við fluttum inn síðasta sumar.“

Þar á Magnús við föður þeirra systkina Sigurbjörn Magnússon lögmann og stjórnarformann Árvakurs, útgáfufélags Morgunblaðsins, og stjúpmóður þeirra, Hlíf Sturludóttur.

Aðlögun

Magnús segir að eftir 13 ára búsetu í miðborg Reykjavíkur hafi hann þarfnast töluverðar aðlögunar við að flytja aftur á æskuheimilið en hann hafi þó einnig lært ýmislegt: