Í desember árið 2000 fannst lík Dariusz Janiszewski á floti í ánni Oder í Póllandi. Lík hans var klæðlaust og af áverkum að dæma hafði hann sætt pyntingum. Úlnliðir hans höfðu verið bundnir saman fyrir aftan bak og við lykkju sem hafði síðan verið smeygt um háls hans.
Lögreglan hafði fátt að styðjast við og var málið óleyst í nokkur ár. Rannsóknarlögreglumaðurinn Jacek Wroblewski var búinn að leggja málið til hliðar þegar hann fékk ábendingu árið 2005 að það væri vert að skoða bók Krystian, að mikil líkindi væru með sögunni og morðmálinu, þetta var nánast eins og endursögn af morðinu. Krystian var í kjölfarið handtekinn en þremur dögum síðar var honum sleppt vegna skorts á sönnunargögnum. En Jacek var viss um að hann væri morðinginn og hélt áfram að rannsaka málið.
Það kom í ljós að Krystian hafði þekkt fórnarlambið, Dariusz, hann hafði verið að slá sér upp með fyrrverandi konu Krystian, sem var mjög afbrýðissamur maður.
Krystian var ákærður og dæmdur í 25 ára fangelsi fyrir morðið árið 2007. Bókin var meðal sönnunargagna sem saksóknari vísaði í fyrir dómi, en í bókinni voru ýmis smáatriði sem enginn gæti hafa vitað nema morðinginn sjálfur.
