Fanney Skúladóttir, markaðsstjóri, hóf mikla sjálfsvinnu þegar yngsta barnið hennar var eins árs og ef hún ætti að velja eina bók til að mæla með fyrir aðra í sömu hugleiðingum, þá segir hún BLA vera málið.

Fanney varð móðir ung, átján ára gömul. Áratugur leið þar til hún eignaðist annað barn, en hún eignaðist tvær stúlkur með árs millibili. Fanney, sem var gestur í Fókus, viðtalsþætti DV, segir að hún hafi týnt sér í móðurhlutverkinu en með sjálfsvinnu fann hún sig á ný.

Sjá einnig: Týndi sér í móðurhlutverkinu:„Ég fann að ég þyrfti núna að staldra aðeins við og hugsa hvað vil ég, hver er ég“

 Brotið hér að ofan er hluti af nýjasta þætti af Fókus sem má horfa á í heild sinni hér eða hlusta á Spotify.

„Það er ein bók sem ég mæli með að fólk lesi, Lífsreglurnar fjórar,“ segir Fanney og bendir á að bókin er bæði til á ensku og íslensku, og einnig sem hljóðbók.

„Ég mæli með henni. Hún fær fólk til að átta sig á hvað það raunverulega vill út úr lífinu. Það er til dæmis talað um mikilvægi þess hvernig þú hugsar til sjálfs þíns. Orðin þín, bara hvað þú segir við sjálfan þig, þetta byrjar allt hjá þér,“ segir Fanney.

„Líka bara í kringum þig, hvernig þú talar við fólk í kringum þig. Líka þetta með álit annarra, ekki láta það trufla sig og taka engu persónulega. Ef þú ert í einhverjum aðstæðum þar sem að einhver segir eitthvað sem truflar þig, sem er ekki endilega beint til þín, en þú ræður svolítið hvernig þú tekur hlutunum. Hvort þú takir hlutum inn á þig, hvernig þú túlkar orð annarra og hvort þau hafi áhrif á þig. Það er svo ótrúlega magnað þegar maður áttar sig á því hversu vel þú stjórnar huganum þínum sjálf. Þá getur margt gott gerst.“

Fylgdu Fanneyju á Instagram og TikTok.