Tónlistarkonan Jóhanna Guðrún gefur út nýtt lag föstudaginn 23. maí 2025. Þú ert nú meiri er glænýr sumarsmellur sem fær alla til að dansa inn í sumarið!
„Lagið Þú ert nú meiri er samið af Baldvini Hlynssyni, Zoe Sky Jordan og Emmu Muscat og Baldvin var svo frábær að semja við það íslenskan texta líka. Ég fékk svo Halldór Gunnar til að mixa en hann hefur verið mín hægri hönd í tónlistinni í mörg ár. Biggi Tryggva masteraði það svo. Það var ótrúlega gaman að taka upp þetta lag og vinna með Baldvini en þið megið eiga von á því að það komi meira efni frá mér á næstu misserum.“
Jóhanna Guðrún mun koma víða fram um allt land í sumar og stærsta partý ársins Mamma þarf að djamma snýr aftur þann 4. október í Háskólabíó. Jóhanna Guðrún verður þar ásamt góðum gestum og tekur sín bestu lög ásamt hljómsveitinni Babies. Gestir ársins 2025 eru þau Eva Ruza, Helgi Björns, Selma Björns, Ragga Gísla, Júlí Heiðar og Dísa.
Jóhanna Guðrún á Spotify.
