Hún var gift Justin Trudeau, fyrrverandi forsætisráðherra Kanada, frá 2005 til 2023 og eiga þau saman þrjú börn.
Hann hefur verið að slá sér upp með bandarísku söngkonunni Katy Perry undanfarna mánuði.
Sophie var gestur í hlaðvarpinu Arlene Is Alone á dögunum og ræddi stuttlega um Justin og hvaða áhrif það hefur á hana að sambönd hans séu svona mikið í sviðsljósinu.
„Við erum mennsk og sumt hefur áhrif á okkur. Hvernig þú bregst við er þín ákvörðun, þannig ég tek meðvitaða ákvörðun um að hlusta á tónlistina frekar en hávaðann.“
Sophie er að einbeita sér að sér sjálfri. „Ég geri mér grein fyrir því að margt sem er opinbert getur verið triggerandi, en konan sem ég hef orðið eftir þetta allt saman er mín ákvörðun.“
