Fincham var að viðra hundinn sinn, sem er af tegundinni Cane Corso, þegar hann réðst að manni að nafni Robert Sudell sem var úti að skokka. Atvikið átti sér stað í Swanley í Kent í september 2022 og hlaut Sudell minniháttar meiðsl. Hundurinn réðst svo aftur að konu í fyrrasumar þar sem hann beit hana í kálfann.
Fincham var á skilorði þegar seinna brotið átti sér stað en rauf það með því að hafa hundinn ekki í taumi og með bitgrímu. Þá rauf hann einnig skilorð vegna dóms sem hann hlaut fyrir fíkniefnaakstur.
Þarf Fincham, sem sigraði Love Island árið 2018 ásamt Dani Dyer, því að sitja inni næstu sex vikurnar. Í fréttum breskra fjölmiðla kemur fram að Fincham muni fá hundinn aftur eftir að hann lýkur afplánun dómsins.
Auk þess að sæta sex vikna fangelsi var Fincham gert að greiða sakarkostnað og skaðabætur upp á rúma hálfa milljón króna.
