Það var mikið um dýrðir í Brussel laugardaginn 28. júní á frumsýningu Smurfs, en dagurinn er einmitt Alþjóðlegi Strumpadagurinn. Mont des Arts garðinum í borginni var breytt í risastórt Strumpa-þorp þar sem nokkur hundruð æstir aðdáendur Strumpanna voru saman komnir til að taka þátt í hátíðarhöldunum. 

Rihanna var að sjálfsögðu mætt til að vera viðstödd frumsýninguna en hún talar fyrir Strympu í myndinni, en ekki nóg með það þá gaf Rihanna nýverið út titillag myndarinnar Friend of Mine en þetta er fyrsta tónlistin sem Rihanna gefur út í hartnær þrjú ár. 

Rihanna var stödd í Brussel með eiginmanni sínum, rapparanum ASAP Rocky en þau eiga von á sínu þriðja barni saman. 

Leikarinn og spjallþáttastjórnandinn James Corden var einnig viðstaddur en hann talar fyrir hinn dularfulla Auka-Strump í myndinni. 

Það var Morane ballettinn frá Brussel sem setti hátíðina með dansatriði innblásnu af opnunaratriði myndarinnar og síðar sveimuðu Strumpar um svæðið og glöddu gesti með bláberjum, andlitsmálningu og ýmis konar óvæntum glaðningum. 

Strumpar verður frumsýnd í kvikmyndahúsum á Íslandi þann 17. júlí.