Söngkonan Katy Perry segir að hún veiti eiginmanni sínum, leikaranum Orlando Bloom, munnmök ef hann vaskar upp og gengur frá í eldhúsinu heima hjá þeim.
Perry ræddi opinskátt um samband hennar og Bloom, þegar þau hættu saman um tíma árið 2017 og hvernig þau halda neistanum lifandi í hlaðvarpsþættinum Call Her Daddy.
Þau kynntust árið 2016 en tóku stutta pásu frá hvort öðru árið 2017. Þau byrjuðu saman tæplega ári síðar og trúlofuðust árið 2019. Þau eignuðust dóttur, Daisy, árið 2020. Fyrir á Bloom son, Flynn, 13 ára, með fyrrverandi eiginkonu sinni, fyrirsætunni Miröndu Kerr.
Perry og Alex Cooper, umsjónarmaður Call Her Daddy, voru að ræða um rauð flögg í samböndum þegar munnmökin komu til tals.
„Hjálpaðu til heima. Deilið húsverkunum eða hjálpaðu til með þau,“ sagði Perry og beindi orðum sínum til karlmanna.
„Verkefnalistinn getur verið svo langur fyrir konur og það er svo margt sem við gerum sem þið sjáið ekki, en þetta snýst bara um að hjálpa til og deila ábyrgðinni,“ sagði hún.
Hún viðurkenndi að hún og leikarinn fari reglulega til sambandsráðgjafa, en þar komust þau að því að „ástartungumál“ hennar er þjónusta (e. acts of service).
Hugmyndin um ástartungumál er byggð á bókinni samnefndri bók eftir Gary Chapman og er talað um að þau séu fimm: Líkamleg snerting, þjónusta, uppörvandi orð eða hrós, gæðastundir, að gefa og þiggja gjafir.
„Þannig ef ég kem niður og eldhúsið er hreint og þú ert búinn að gera allt saman, þú ert búinn að vaska allt upp, loka öllum skápahurðum, þá skaltu búa þig undir að fá tott,“ sagði hún.
„Ég meina það, bókstaflega. Þetta er mitt ástartungumál. Ég þarf ekki rauðan Ferrari, ég get keypt mér hann. Bara fokking vaskaðu upp, ég mun þá totta þig! Þetta er það einfalt.“
