fbpx
Föstudagur 21.júní 2024
Fókus

Einar Örn um æskuna sem sonur Reynis sterka – „Hvað ef hann hefði ekki dáið?“

Guðrún Ósk Guðjónsdóttir
Föstudaginn 24. maí 2024 12:00

Einar Örn og faðir hans, Reynir sterki.

Ekki missa af Helstu tíðindum dagsins í pósthólfið þitt

Lesa nánar

Einar Örn Reynisson opnar sig um æskuna og föðurmissinn í nýjasta þætti af hlaðvarpinu Fullorðins. Einar er sonur Reynis Arnar Leóssonar, eða Reynis sterka eins og hann var kallaður. Reynir lést langt fyrir aldur fram árið 1982 úr lungnakrabba, aðeins 43 ára gamall.

Reynir komst í heimsmetabækur fyrir aflraunir sínar sem eru svo lygilegar að bæði kraftajötnar og töframenn klóra sér í hausnum yfir þeim. Snemma kom í ljós að hann bjó yfir miklum fítonskrafti sem hann sýndi ekki með hefðbundnum lóðalyftingum heldur með því að slíta keðjur, handjárn og koma sér úr erfiðum aðstæðum líkt og töframenn gera jafnan. Reynir var ekki tröllslega vaxinn eins og margir aflraunamenn eru, heldur lágvaxinn og knár. En þyngdirnar sem hann lyfti og styrkleiki keðjanna sem hann sleit var mun meiri en seinni tíma menn gátu fengist við.

Árið 2017 gerði Baldvin Z heimildarmynd um Reyni sterka, Beyond Strenght. 

Aðspurður í Fullorðins hvernig það hafi verið að vera sonur manns sem var svona frægur og þekktur segir Einar:

„Það var bæði gott og slæmt. Hann var landsfrægur og það vissu eiginlega allir hver hann var […] En á sama tíma var persónulega ákveðinn söknuður. Hvað ef hann hefði… hann var á barmi þess að verða heimsfrægur.“

Einar viðurkennir að hann hugsar stundum: „Hvað ef hann hefði ekki dáið?“

„Hvar værum við fjölskyldan þá stödd? Væri lífið ekki aðeins þægilegra kannski? Það voru vangavelturnar mínar mest þegar ég var lítill,“ segir hann.

„Ég átti kannski pínu erfiða æsku hvað þetta varðar.“

Slæmur í hjartanu

Reynir dó úr lungnakrabba. „Þetta var á þeim tíma þegar menn voru ekki alveg vissir að það væri óhollt að reykja,“ segir Einar.

„En hann var líka orðinn slæmur í hjartanu, á þessum tíma var hann búinn að ákveða að hætta þessum átökum því hann var búinn að vera alveg eftir sig í marga daga oft… svo fór hann í tökur á þessari mynd ósofinn og búinn að vinna mikið og gerði þetta eins og hvert annað verkefni.“

Horfðu á þáttinn með Einari á Fullorðins.is. 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Simma heitt í hamsi þegar talið barst að Svövu – „Hún er tekin þarna í viðtal í geðshræringu“

Simma heitt í hamsi þegar talið barst að Svövu – „Hún er tekin þarna í viðtal í geðshræringu“
Fókus
Í gær

Maríanna segir að hún sé ekki grey þó það hafi verið haldið framhjá henni – „Ég er bara kona sem valdi rangan maka“

Maríanna segir að hún sé ekki grey þó það hafi verið haldið framhjá henni – „Ég er bara kona sem valdi rangan maka“
Fókus
Í gær

Þessar tíu reglur eru ástæðan fyrir því að hún hefur aldrei sofið hjá

Þessar tíu reglur eru ástæðan fyrir því að hún hefur aldrei sofið hjá
Fókus
Í gær

Stórstjarnan afhjúpar hjartnæma ástæðu þess að hann byrjaði að leika – Segir að starfsvalið sé að „drepa“ hann

Stórstjarnan afhjúpar hjartnæma ástæðu þess að hann byrjaði að leika – Segir að starfsvalið sé að „drepa“ hann
Fókus
Fyrir 2 dögum

Ferðabloggari segir að þetta sé það heimskulegasta sem þú getur gert á Íslandi

Ferðabloggari segir að þetta sé það heimskulegasta sem þú getur gert á Íslandi
Fókus
Fyrir 2 dögum

Birtu fangamyndina af Justin Timberlake

Birtu fangamyndina af Justin Timberlake