Victoria Beckham hélt upp á fimmtugsafmæli sitt með pompi og prakt í gærkvöldi á skemmtistaðnum Oswald´s í Mayfair-hverfi Lundúna.
Um var að ræða 100 manna partý sem stóð yfir til hálfþrjú um nóttina og létu stjörnurnar sig ekki vanta. Meðal gesta voru vinir Beckham-hjónananna á borð við Tom Cruise, Eva Longoria, Jason Statham og Salma Hayek.
Þá lét leikstjórinn Guy Ritchie sig ekki vanta en ekki fylgir sögunni hvort veiðifélagi hans og David, okkar maður Björgólfur Thor Björgólfsson, hafi verið í gleðskapnum.
Hápunktur veislunnar var eflaust þegar meðlimir Spice Girls, hljómsveit Victoriu, stigu á stokk og tóku lagi en David var snöggur til að festa það á myndband sem hann deildi með fylgjendum sínum á Instagram.
View this post on Instagram
Victoria slasaði sig nýlega á fæti og lauk kvöldinu með því að David bar hana á háhest íut í leigubíl í lok kvölds.
