Tónlistarkonan Grimes fullyrðir að hún hafi sparkað barnsföður sínum Elon Musk en ekki öfugt. Þetta kom fram í eldheitu netrifrildi hennar og rapparans Azealia Banks á samfélagsmiðlinum X, sem einmitt er í eigu Musk.

Grimes, sem heitir réttu nafni Claire Boucher, og Banks hafa lengið eldað grátt silfur við Banks og aftur sauð upp úr á dögunum. Banks hæddist þá að sambandi Grimes við Musk og sakaði hana um að vera undirgefna milljarðamæringnum þar til að hann sparkaði henni.

Grimes tók til varna og sagði það lygi að henni hefði verið sparkað. Það hafi verið hún sem ákvað að slíta sambandinu.

Musk og Grimes áttu í stormasömu ástarsambandi á árunum 2018 til 2022 en saman eignuðust þau þrjú börn. Synina X og Techno og dótturina Exa. Þau hafa undanfarið átt í forræðisdeilu vegna barnanna sem ekki er útséð með hvernig endar.

Musk á síðan níu önnur börn, að því er best er vitað, sem hann á með fyrrum eiginkonu sinni Justine Wilson og samstarfskonu sinni hjá Neurolink-fyrirtækinu, Shivon Zilis.