Pallborð Vísis fór fram í beinni útsendingu fyrr í dag en þangað mættu forsetaframbjóðendurnir Arnar Þór Jónsson, Ásdís Rán Gunnarsdóttir og Ástþór Magnússon,. Eins og búast mátti við þá létu þau vaða á súðum varðandi ýmis málefni og gagnrýndu þau meðal annars skoðanakannanir sem og fjölmiðla.
Stórbrotið atvik átti sér síðan stað þegar pallborðsstjórnandinn, Hólmfríður Gísladóttir, spurði þríeykið hvern þau myndu kjósa ef þau væru ekki sjálf í framboði. Sömu spurningu hafði hún spurt í fyrri þætti, þar sem Baldur Þórhallsson, Jón Gnarr og Halla Hrund Logadóttir voru gestir, og fékk þá diplómatísk svör.
Nokkuð fát kom hins vegar á Arnar Þór, Ásdísi Rán og Ástþór og vandræðaleg þögn ríkti í nokkrar erfiðar sekúndur. Þá tók Ástþór hins vegar af skarið og varpaði ískaldur fram skoðun sinni: “Þetta er fáránlega spurning,“ sagði Ástþór og stökk ekki bros á vör.
Hér má sjá atvikið en það hefur glatt netverja á samfélagsmiðlinum X:
nei ég drepst úr hlátri pic.twitter.com/TEuUkW01Wg
— (sw)Agnar Már (@agnarmm) April 26, 2024
