Kraftajötuninn Hafþór Júlíus Björnsson, títt nefndur Fjallið eftir að hann lét í þáttunum Game of Thrones, breytti um matarræði eftir að hann hætti í kraftasporti til að einbeita sér að hnefaleikum. Nú er hann að stækka sig á nýjan leik fyrir Arnold Classic og borðar 8 þúsund kaloríur á dag.
Hafþór sýnir hvað hann borðar á hverjum degi á Youtube rás sinni.
Það er nauðsynlegt að borða nógu mikið af kaloríum til að viðhalda vöðvauppbyggingunni í ræktinni. 8 þúsund kaloríur dugar til þess. En maturinn verður að vera bragðgóður og því réði Hafþór föður sinn, Björn Þór Reynisson, sem kokk.
„Það er ekkert leiðinlegra en að borða mat sem þér finnst ekki góður,“ segir Hafþór.
Morgunmaturinn samanstendur af eggjum og hrísgrjónum, bragðbættum með kjúklingakrafti. Þessu skolar Hafþór niður með bústi af skyri, appelsínusafa og bláberjum.
„Áður fyrr drakk ég mjók með öllum máltíðum en of miklar mjólkurvörur valda mér óþægindum,“ segir hann. „Hins vegar borða ég skyr með öllum mat og það virðist vera í lagi.“
Önnur máltíðin samanstendur af steik, spergilkáli og hrísgrjónum, ásamt áðurnefndu skyr bústi sem hann drekkur með öllu máltíðum. Einnig drekkur hann íþróttadrykk til að fylla á söltin og steinefnin.
„Ég er fokking risastór gaur, ég svitna fokking mikið. Ég þarf fokking mikið af söltum og steinefnum,“ segir Hafþór. Ef hann fær ekki næg sölt fær hann krampa á æfingum.
Þriðja máltíðin, hádegismaturinn, samanstendur af steik, grænmeti, hrísgrjónum og safa.
„Þegar ég borða er ég í vinnunni. Ég hangi ekki í símanum. Ég borða bara matinn minn. Þess vegna get ég borðað hraðar og komið hlutum í verk,“ segir Hafþór.
Milli hádegis og kvöldmatar borðar Hafþór súrdeigsbrauð með sultu, hnetusmjöri og banana.
Kelsey, eiginkona Hafþórs, útbýr kvöldmatinn. „Ribeye“ steik, grænar baunir og jú, meiri hrísgrjón.
Í kvöldkaffi fær Hafþór sér svo fjórðu steikina, lárperu, blandað grænmeti og enn þá meiri hrísgrjón.
