Söngkonan Taylor Swift er einhleyp á ný en hún var áður að slá sér upp með Matt Healy, söngvara hljómsveitarinnar 1975. TMZ greinir frá.

Heimildarmaður Page Six segir að það hafi aldrei verið alvara í sambandinu heldur hafi Swift verið að losa um spá spennu eftir sex ára samband hennar og Joe Alwyn sem lauk í vor.

Sjá einnig: Taylor Swift hætt með kærastanum eftir sex ára samband

„Hún mun ekki skrifa lög um þetta samband, þetta var smá sumarblíða,“ segir heimildarmaðurinn og bætir við að það sé leiðinlegt að söngkonan „getur ekki haft gaman með einhverjum án þess að fjölmiðlar taki því allt of alvarlega og þegar sambandið rennur sitt skeið þurfa þau að nánast að sækja um skilnað.“

Þetta útskýrir af hverju Matt Healy hafi tekið upp gamla siði á tónleikum um helgina þegar hann kyssti öryggisvörð, en hann hætti að kyssa ókunnuga á tónleikum á meðan hann og Swift voru að stinga saman nefjum.