Umdeildi glaumkosinn og karlremban Andrew Tate er loksins laus úr fangelsi og dvelur nú í stofufangelsi á heimili sínu í Rúmeníu. Hann er þar til rannsóknar og grunaður um að hafa gerst sekur um kynferðisbrot, mansal og að hafa misnotað konur. Tate er helst þekktur fyrir öfgafullar skoðanir sínar sem byggja á kvenfyrirlitningu og undarlegum hugmyndum um að karlmenn séu einhvers konar forystusauðir, eða alphas, en sú hugmyndafræði hefur fengið mikinn hljóðgrunn innan samfélags kynsveltra karlmanna, eða incels eins og þeir kalla sig, en sá hópur telur að skírlífi þeirra sé konum að kenna þar sem þær séu búnar að gleyma hver meinti staður þeirra er í goggunarröð mannkynsins.
Tate samþykkti að veita fréttastofu BBC viðtal úr stofufangelsinu þar sem hann svaraði fyrir umdeildar skoðanir sínar og þær sakir sem á hann hafa verið bornar. Sem fyrr neitar Tate sök og aðspurður um hvort að íhaldssamar skoðanir hans um konur séu skaðlegar fyrir ungmenn sagði Tate að hann væri að fylgja fyrirmælum guðs um að gera góða hluti.
Fréttakona BBC, Lucy Williams, bar undir Tate frásögn konu sem steig fram í viðtali við BBC fyrr á þessu ári í skjóli nafnleyndar, en hún var aðeins kölluð Sophie, og sagði Tate hafa misnotað sig og nauðgað sér. Tate var með svar á reiðum höndum við þeim ásökunum og sagði að þessi meinta kona væri hreinlega ekki til heldur tilbúningur sem BBC hefði sett á svið. Sophie hélt því fram að hún hefði talið Tate ástfanginn af sér og hafi elt hann til Rúmeníu. Þar hafi hann þvingað hana í að stunda klám og eins þvinguð til að húðflúra nafn Tate á líkama sinn.
Aðspurður um frásögn Sophie svaraði Tate:
„Ég er að gera ykkur greiða, sem miðill með arfleifð, og gera ykkur málsmetandi með því að tala við ykkur. Og ég er að segja ykkur núna að þessi Sophie, sem er tilbúningur BBC, sem hefur ekkert andlit. Enginn veit hver hún er. En ég veit.“
BBC tók þó fram að Sophie sé vissulega raunveruleg og sé sem stendur að liðsinna lögreglunni í rúmeníu við rannsókn þeirra á meintum misferlum Tate.
Tate vísaði líka á bug ásökunum um að skoðanir hans væru eitraðar og til þess fallnar að kasta olíu á eld naugðunarmenningar. Tate sagði þær ásakanir „algjört drasl“. Skoðanir hans væru ekki að ýta undir kvenfyrirlitningu og hafi hann aldrei hvatt fylgisveina sína til að ráðast á konur.
„Ég predikta erfiðisvinnu, aga. Ég er íþróttamaður. Ég tala gegn fíkniefnum. Ég tala fyrir trú, ég tala gegn áfengi. Ég tala gegn glæpum þar sem hnífum er beitt. Allt sem er að nútímasamfélagið er eitthvað sem ég er á móti.“
Ummæli sem hann hafi gefið út í gríni hafi verið slitin úr samhengi og látið að því liggja að þau fælu í sér raunverulegar skoðanir hans. Þar með talið ummæli þar sem hann sagði að kynfæri konu tilheyrðu karlkyns maka hennar.
„Ég átta mig ekki á því hvort þú veist hvað kaldhæðni er. Ég veit ekki hvort þú skilur hvað samhengi er. Ég veit ekki hvort þú sjáir hvað er satíra og hvað er það ekki,“ sagði Tate í viðtalinu.
Lucy bar undir hann texta sem mátti finna á eldri útgáfu af vefsíðu um netnámskeið sem Tate bauð upp á – Hösslara háskólinn. Þar stóð að tilgangur Tate væri að hitta stúlku, fara á nokkur stefnumót, sofa hjá henni, gera hana svo ástfangna að hún væri til í að gera hvað sem h ann segir, og svo fá hana til að stunda vefmyndavéla útsendingar, sem er tegund af klámvinnu. Þetta hefði það markmið að auðgast.
Tate hreinlega neitaði því að hafa nokkurn tímann sagt þetta.
Lucy spurði hann þá hvort hann hafi viljandi sagt stuðandi hluti á netinu til að afla sér fylgis og þá svaraði hann:
„Ég er í alvörunni afl hins góða í heiminum. Þú skilur það kannski ekki enn, en þú munt gera það á endanum. Og ég virkilega trúi því að ég sé að athafna mig eftir fyrirmælum frá guði um að gera góða hluti og ég vil gera heiminn betri.“
Lucy tók fram í umfjöllun sinni um viðtalið að á þessum 40 mínútum sem hún ræddi við Tate hafi hann ítrekað sagt hana segja kjánalega hluti og sagt að hún yrði að kynna sér málin betur. Tate hafi ekki gert neinar kröfur eða fyrirvara um efnistök áður en viðtalið hófst, en eftir að viðtalinu lauk sakaði hann BBC um að hafa svikið loforð um að spyrja bara saklausra spurninga. Tate fór þá á samfélagsmiðla og tilkynnti fylgjendum sínum að hann ætlaði að birta sína eigin útgáfu af viðtalinu, sem hann hefur nú gert.
Viðtalið hefur vakið mikla eftirtekt og hefur BBC bæði fengið yfir sig gagnrýni sem og lof fyrir vikið. Gagnrýnisraddir hafa fordæmt það að Tate, sem sé grunaður um gróf brot gegn konum, hafi fengið opinberan vettvang til að bera af sér sakir, á meðan þeir jákvæðu hafa bent á að framganga Lucy hafi verið lofsverð, hún hafi þjarmað vel að þessum umdeilda manni og hreinlega rassskellt hann með orðum. Stuðningsmenn Tate eru þó ekki sammála og finnst þvert á móti að Tate hafi komið vel út í viðtalinu og hafi það verið fréttakonan sem var flengd.
Tate hefur hins vegar orðið var við hvernig viðtalið hefur komið fólki fyrir sjónir og farið mikinn á samfélagsmiðlum þar sem hann ber sig aumlega og sakar BBC um að vera í herferð gegn sér.
The mainstream media which vilify me BEG me for interviews under the guise of “balanced” journalism.
The Matrix is DESPERATE.
These are the full interviews they'll never show you:https://t.co/YssdKywoFl pic.twitter.com/XAe2Igh1Gb
— Andrew Tate (@Cobratate) June 1, 2023
England will now attempt to put me in jail.
Matrix attacks via the "justice" system incoming.
The BBC have blocked the interview in the UK because of the destruction they suffered.
I have sank the HMS hood.
They will stop at nothing to destroy me.
Prayers welcome. 🙏
— Andrew Tate (@Cobratate) June 2, 2023
Educate her to the truth of my message.
Make her understand how the Matrix uses her to push lies and mistruths.
We win with love, not insults.
“Acquire knowledge and impart it to the people.” https://t.co/KIT9CTKcRU
— Andrew Tate (@Cobratate) June 2, 2023
I harbour no hard feelings against the BBC or any journalist who attempts to lie about me.
The truth of my message is known and good will continue to spread.
Tolerance and love for all.
“If you had mercy on the sheep, then Allah will have mercy on you twice”
— Andrew Tate (@Cobratate) June 1, 2023
