fbpx
Föstudagur 02.júní 2023
Fókus

Kæra gegn höfundi Rick & Morty felld niður – Segir að bitur fyrrverandi kærasta hafi reynt að slaufa honum

Fókus
Fimmtudaginn 23. mars 2023 11:47

Ekki missa af Helstu tíðindum dagsins í pósthólfið þitt

Lesa nánar

Kæra gegn Justin Roiland, sem er einn af mönnunum á bak við vinsælu fullorðins teiknimyndaþættina Rick & Morty, um heimilisofbeldi hefur ferið felld niður.

Var honum gert að sök að hafa beitt heimilisofbeldi sem leiddi til alvarlegra meiðsla, auk frelsissviptingar af ásetningi. Greindu fjölmiðlar frá því að meintur þolandi hans hafi fengið nálgunarbann geng honum og eins að Justin hafi verið gert að láta af hendi öll skotvopn sín á meðan málið væri til rannsóknar og eftir atvikum meðferðar hjá dómstólum.

Talsmaður saksóknara embættisins í Orange County staðfesti niðurfellinguna í samtali við New York Post og vísaði til þess að embættið líti svo á að ónægar sannanir séu fyrir hendi svo hægt sé að sanna málið svo það sé hafið yfir skynsamlegan vafa.

Kæran hefur haft mikil áhrif á líf Roiland en Adult Swim sem framleiðir þættina skar á tengsl sín við Roiland eftir að opinberlega var greint frá kærunni.

Roiland hefur sent frá sér yfirlýsingu vegna málsins.

„Ég hef alltaf vitað að þessar sakir væru falskar og efaðist aldrei um að þessi dagur myndi koma. Ég er þakklátur fyrir að málinu hafi verið vísað burt en á sama tíma er ég sleginn yfir þeim hrottalegu lygum um mig sem hafa komið fram í þessu ferli.

Mest er ég vonsvikinn yfir því hversu margir voru fljótir til að setja sig í dómarasætið án þess að vita staðreyndir málsins og byggðu álit sitt á orðum biturrar fyrrferandi kærustu sem reyndi að sneiða framhjá réttlátri málsmeðferð til að fá mér slaufað.

Það að þetta hafi gengið upp hjá henni, jafnvel aðeins að hluta til, er til skammar. Ég er staðráðinn í því að halda lífinu áfram og einbeita mér að skapandi verkefnum mínum og að því að endurheimta mitt góða nafn.“

Rick & Morty þættirnir komu fyrst út árið 2013 og í fyrra var sjötta þátttaröðin frumsýnd.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Vaknaðu! Safnar 38 milljónum króna fyrir Rauða krossinn – MYNDIR

Vaknaðu! Safnar 38 milljónum króna fyrir Rauða krossinn – MYNDIR
Fókus
Í gær

Stórstjörnur giftu sig í leyni

Stórstjörnur giftu sig í leyni
Fókus
Fyrir 2 dögum

Sögulegir munir úr starfi íslenskrar nasistahreyfingar til sýnis

Sögulegir munir úr starfi íslenskrar nasistahreyfingar til sýnis
Fókus
Fyrir 2 dögum

Folda og Guðmundur selja eign í Sigvaldahúsi

Folda og Guðmundur selja eign í Sigvaldahúsi
Fókus
Fyrir 2 dögum

Draumalífið hvarf á svipstundu – Missti tekjur, kærustuna og geðheilsuna

Draumalífið hvarf á svipstundu – Missti tekjur, kærustuna og geðheilsuna
Fókus
Fyrir 2 dögum

Al Pacino á von á barni – Kærastan 53 árum yngri

Al Pacino á von á barni – Kærastan 53 árum yngri