Rachel, 41 árs, sagði hlustendum að hún hafi ekki fengið fullnægingu við samfarir fyrr en hún varð 38 ára.
Aðdáendur hafa lagt tvo og tvo saman og fengið það út að það hafi verið fyrrverandi kærasti Rachel, leikarinn Bill Hader, sem var sá fyrsti til að veita henni fullnægingu. Þau byrjuðu saman árið 2019 og þá var hún einmitt 38 ára.
Grínistinn Whitney Cummings var í gestur í þættinum og sagðist sjálf hafa fengið fyrstu fullnæginguna við samfarir 40 ára. Þær eru alls ekki einar á báti, í kringum 80 prósent kvenna geta ekki fengið fullnægingu í gegnum samfarir.
Rachel, sem sló í gegn í þáttunum OC árið 2003, hefur átt í nokkrum áberandi ástarsamböndum. Hún var með OC-leikaranum Adam Brody frá 2003 til 2006. Hún var trúlofuð Star Wars-leikaranum Hayden Christensen og eiga þau saman átta ára dóttur, þau hættu saman árið 2017.
Hún byrjaði með Bill Hader árið 2019 en þau hættu saman tæplega ári seinna.
Þetta er ekki í fyrsta sinn sem Rachel ræðir hreinskilið og hispurslaust um kynlíf. Í ágúst 2022 var hún spurð í þættinum hvað það væri við Bill sem hún saknaði mest. Hún svaraði: „Stóra typpið hans,“ og skellti síðan upp úr.