As We Grow kynnti nýja fullorðinslínu á dögunum á Tölt barnum á The Reykjavik EDITION við mikinn fögnuð viðstaddra. Stemningin var svo sannarlega í anda As We Grow í fallegu og hlýlegu umhverfi Tölts. Systurnar Gréta og Agnes Hlöðversdætur tóku á móti gestum þar sem hlýleikinn og rómantíkin sveif yfir í anda sjötta áratugarins. Gleðin fangaði gesti sem fengu að njóta sín á Tölt barnum innan um fallegar, fínlegar, kvenlegar og silkimjúkar flíkur. Kokteill kvöldsins átti líka vel við þemað og sló í gegn.
As we grow er fatalína sem sækir nafn sitt og innblástur í arfleifð liðins tíma, ættartré, vini og sveitarómantík. Virðing er borin fyrir umhverfi, venslum og efnahag, í anda “slow fashion“ stefnunnar. Nafn vörumerkis skírskotar til síbreytileika lífshlaupsins. Reynslu, þroska, leiks og framfara sem smám saman bætist við í reynslubanka einstaklingsins.
Ný vörulína fyrir fullorðna hefur nú litið dagsins ljós. Innblástur sóttur til mæðra og kvenna á sjötta áratugnum. Flíkur í senn fínlegar, kvenlegar, silkimjúkar og þægilegar. Fullkomnar hvort heldur sem er í fagnaði með vinum, ferð á listasafn eða vinnu. Treflar og sjöl hönnuð með það fyrir augum að auðvelt sé að para saman við mismunandi flíkur, til að umbreyta ásýnd, eða auka hlýju.
Hér má sjá brot af stemningunni sem ríkti á Tölt í tilefni nýju fullorðins línunnar frá As We Grow:
