Þetta byrjaði allt fyrir um tólf árum síðan, þegar Vladimír Pútín ávarpaði rússnesku þjóðina á landsfundi flokks síns, Sameinaðs Rússlands, í desember 2011. Áhorfendur tóku eftir mikilli útlitsbreytingu hjá Pútín, sem þá var 58 ára, sem virtist skyndilega laus við bauga og hrukkur.
Þó svo að rússneskir fjölmiðlar veigruðu sér frá því að fjalla um útlit hans, þá varð rússneska orðið fyrir bótox eitt vinsælasta leitarorðið á Twitter dagana þar á eftir.
Eins og fyrr segir forðuðust rússneskir fjölmiðlar að fjalla um málið en sama er ekki hægt að segja um breska fjölmiðla. Þeir ræddu við sérfræðinga sem sögðu það ekki fara á milli mála að Pútín hafi leitað til lýtalæknis, hann hefur þó aldrei viðurkennt það opinberlega.
The Telegraph birti „fyrir og eftir“ myndir af honum, sama má segja með aðra miðla, til að sýna breytinguna og komu með ýmsar getgátur um hvað hann hafi látið gera.
Breski fjölmiðillinn The Sun ræddi við lýtalækni árið 2019 og fékk hann til að meta – út frá myndum – hvað Pútín hefur látið gera. Hann sagðist telja að 66 ára forsætisráðherrann væri búinn að fara í augnlyftingu, láta fylla í kinnarnar, hökuna og undir augun, og fengið bótox.
Lýtalæknirinn tók það fram að þetta virtust vera mjög vel heppnaðar fegrunaraðgerðir.
