Söngkonan Shakira er sögð hafa komist að framhjáhaldi eiginmanns hennar, fótboltakappans Gerard Piqué, þegar hún tók eftir að sultan á heimilinu væri búin.

Shakira, 45 ára, og Gerard, 35 ára, skildu í fyrra eftir 11 ára hjónaband. Sögusagnir um framhjáhald fótboltakappans hafa verið á kreiki síðan þá en söngkonan hefur gefið það sterklega í skyn á samfélagsmiðlum. Einnig hafa erlendir miðlar greint frá því. Hann er sagður hafa haldið framhjá Shakiru með nýju kærustu sinni, Clöru Chiu Marti, 23 ára. En það kom upp myndband á yfirborðið af Clöru á heimili Shakiru og Gerard, sem var tekið upp tíu mánuðum áður en þau skildu.

Sjá einnig: Shakira lætur fyrrverandi og nýju kærustuna hans heyra það

Sultan kom upp um hann

Samkvæmt ShowNews Today hafði Shakira komið heim úr ferðalagi og þótt grunsamlegt að sultan væri búin, því Gerard og bæði börnin þeirra hata sultu. Það var þá einhver annar að borða sultuna.

Shakira virðist vísa í sultumálið í nýja tónlistarmyndbandi hennar og Rauw Alejandro við lagið „Te Felicito“ þar sem má sjá hana opna ísskáp, og þar er höfuð Alejandro.

Fyrr í mánuðinum gaf Shakira út nýtt lag þar sem hún sendir fyrrverandi Barcelona leikmanninum og nýju kærustunni hans væna pillu.

Sjá einnig: Stríð hjá Pique og Shakira heldur áfram – Hann mætti á nýjum bíl eftir nýtt lag hennar