Tekjur ofurparsins Línu Birgitta Sigurðardóttir og Guðmundar Birkis Pálmasonar, iðulega kallaður Gummi Kíró, drógust saman milli ára.  Lína Birgitta og Gummi Kíró eru ekki aðeins par heldur einnig viðskiptafélagar. Þau stofnuðu merkið Moxen Eyewear í sumar og gáfu út fyrstu sólgleraugnalínuna í júlí.  Þau eru einnig að vinna í því að opna rými fyrir atvinnurekendur, eða „business pad“ eins og þau kalla það.

Sjá einnig: Lína Birgitta þvertekur fyrir að selja sólgleraugu frá AliExpress á uppsprengdu verði

Fyrirtækjarekstur er þeim báðum vel kunnugur. Lína Birgitta hefur rekið fatafyrirtækið Define The Line í árabil og Gummi – sem er kírópraktor – er eigandi Kírópraktorstöðvar Reykjavíkur. Þau eru einnig bæði vinsæl á samfélagsmiðlum, Lína Birgitta er með tæplega 27 þúsund fylgjendur og Gummi með ellefu þúsund fylgjendur.

Sjá einnig: Verðmæti merkjavörusafns áhrifavaldsins Línu Birgittu hleypur á milljónum

Lína og Gummi eiga það sameiginlegt að vera mikið fyrir merkjavörur og kaupa sér reglulega tískuvörur frá lúxusmerkjum á borð við Gucci, Fendi og Yves Saint Laurent. Þau sýna gjarnan frá gersemunum á samfélagsmiðlum og gefa stundum ýmis ráð varðandi hvernig er best að festa kaup á slíkri vöru.

Miðað við greitt útsvar á síðasta ári má ætla að mánaðarlegar tekjur Gumma árið 2021 séu 1.084.097 kr. á mánuði og Línu Birgittu séu 370.109 kr. á mánuði.

Til samanburðar var Gummi með 1.221.368 kr. á mánuði í tekjur árið 2020 en Lína Birgitta var með 413.720 kr.

DV mun í samstarfi við Fréttablaðið skrifa upp netfréttir úr álagningaskrá Ríkisskattstjóra sem munu birtast í dag og næstu daga. Rétt er að geta þess að um mánaðarlaun einstaklinga er að ræða, sem reiknaðar eru út frá útsvari, en einnig geta umræddir einstaklingar verið með aðrar tekjur, til dæmis fjármagnstekjur, sem ekki eru inn í þessum tölum.