Paige Spiranac, fyrrum atvinnukona í golfi og áhrifavaldur, opinberaði ýmsa leyndardóma á dögunum þegar hún leyfði fylgjendum sínum á Instagram, sem eru 3,3 milljónir talsins, að spyrja sig spjörunum úr.
Spurningarnar voru alls konar, einn fylgjandi spurði hana til að mynda hvort hún væri búin að gifta sig. Paige svaraði þeirri spurningu játandi en hún giftist þjálfaranum Steven Tinoco árið 2018. Þau eru þó búin að skilja síðan þá.
Þá var Paige spurð hver uppáhalds golfarinn hennar væri en svarið kemur ábyggilega einhverjum á óvart. „Ég var svo heppin að fá að spila með fullt af mögnuðum atvinnugolfurum en uppáhalds minn, ég spilaði nýlega með honum, er Daren Clarke. Hann er algjör goðsögn. Hann er fyndinn, vingjarnlegur og elskulegur – hann er líka með bestu sögurnar,“ segir hún.
Spurningin sem Paige fékk oftast fjallaði ekki um golf heldur um líkamann hennar eða öllu heldur brjóstin hennar. „Eru þau ekta?“ er spurningin sem brann á mörgum fylgjendum Paige og ákvað hún að svara því í eitt skipti fyrir öll.
„Ég skauta venjulega framhjá þessari spurningu og svara henni ekki beint en ég skal gera það í dag. Já, þau eru ekta.“
View this post on Instagram