Söngkonan var gestur í spjallþættinum The Big Narstie Show í vikunni og svaraði spurningunni: „Hver er frægasti skíthæll sem þú hefur hitt?“
„Þau eru nokkur, James Corden, Geri Halliwell, Jessie J og ég,“ svaraði hún.
Geri Halliwell var í geysivinsælu stúlknasveitinni Spice Girls með Mel B og voru því aðrir gestir þáttarins mjög hissa á svari hennar.
„Ég elska Geri en hún er fokking pirrandi,“ útskýrði hún.
Aðspurð af hverju James væri á listanum sagði hún:
„Mér finnst eins og þú eigir alltaf að vera vingjarnlegur við fólk sem þú vinnur með, hvort sem það eru framleiðendur, myndatökumenn eða þeir sem sjá um hljóð eða lýsingu. Við erum öll að vinna að því sama, þannig þú ættir að vera vingjarnlegur og hann hefur ekki verið vingjarnlegur.“
Þetta er ekki í fyrsta skipti sem James Corden er sakaður um dónaskap. Í október var hann bannaður af af veitingastaðnum Balthazar í New York, eigandinn sagði að James hefði sýnt starfsfólki staðarins yfirgengilegan dónaskap. Spjallþáttastjórnandinn baðst afsökunar í kjölfarið og viðurkenndi mistök.
