Áhrifavaldurinn og skemmtistaðareigandinn Birgitta Líf Björnsdóttir er nýbúin að endurheimta Instagram-reikning sinn úr höndum hakkara og er strax farin að valda usla á miðlinum. Þannig birti hún á dögunum fallega sjálfu af sér þar sem hún var stödd inná klósetti á ónefndri World Class-líkamsræktarstöð. Þá birti hún einnig myndband þar sem sjá mátti að hún hafði dundað sér drjúga stund við að maka á sig brúnkukremi frá samstarfsaðila inni á klósettinu. Glöggir netverjar ráku augun í að Birgitta Líf var stödd inn á klósetti sem er ætlað fötluðum gestum stöðvarinnar og þá hófst stormurinn.
Pov- þú ert með fötlun og þarft mjög mikið að pissa í WC en þarft að bíða í 30 min því Birgitta Líf er að setja a sig brúnkukrem pic.twitter.com/CAfp67EC06
— hlín. (@hlinhalldors1) July 24, 2021
Einn fylgjandi Birgittu Lífar benti henni á að henni væri misboðið yfir myndinni. „Eldra systkini mitt notar hjólastól. Mér finnst ömurlegt þegar fólk sem þarf ekki aðstoð hjálpartækjanna sem þessi salerni búa yfir, er að nota þau og blokka þar með aðgengi þeirra sem þurfa.“
Birgitta Líf brást við því með að benda viðkomandi á að hún hafi ekki hindrað neinn í að ganga örna sinna. „Þetta var tekið þegar spa-ið var lokað og því ekki verið að hindra aðgengi nokkurs. Takk samt fyrir ábendinguna.“
Fylgjandinn var ekki af baki dottin og benti Birgittu Líf á að hún myndbirting sem þessi sendi röng skilaboð. „Já mjög sjálfsagt að benda á treysti því allavega að þú hafir í huga í framtíðinni að svona myndbirtingar geti ýtt undir normalíseringu á að fólk sem þarf ekki að nota þessi salerni noti þau og hindri raunverulega notendur, þó þú hafir ekki verið að því þarna.“
Á meðan kraumaði reiðin á Twitter og gerir enn.
Vona svo innilega að hún hafi bara tyllt tá inn fyrir spegilinn en ekki hitt. Ég hef þurft að láta tvær manneskjur styðja mig inn á WC og hjálpa mér (mjög dignified). Reyndi svo innilega að trúa því að þessar flissandi tvær sem komu út væru með ósýnilega fötlun en ekki svona sama
— Bára Halldórsdóttir #blacklivesmatter (@bee_how) July 26, 2021
Neibbs, þetta er insta story frá henni þennan sama dag. pic.twitter.com/w7rFSS7Tvn
— hlín. (@hlinhalldors1) July 26, 2021
