Zac Smith, 27 ára, og Connor Stringer, 28 ára, opna sig á einlægan hátt um dökku hliðar stripparabransans. Þeir voru vanir að nota fíkniefni og áfengi til að kljást við neikvæðar afleiðingar starfsins. Í dag opna þeir sig um reynslu sína og hvetja aðra menn til að tala um vandamál sín og andlega heilsu.
Zac og Connor höfðu gaman af stripparalífsstílnum, að skemmta á hverju kvöldi og skemmta sér í leiðinni. En með hápunktunum komu óumflýjanlegu lápunktarnir og notuðu þeir kókaín og e-töflur til að þrauka.
„Ég elska vinnuna mína,“ segir Zac í samtali við Mirror. Zac er í sambúð með unnustu sinni, Beth.
„Ég er vel þjálfaður íþróttamaður og fæ virkilega vel borgað fyrir að afklæðast.“
Zac og Connor voru í strippteyminu Dreamboys. „Við vorum á sviðinu að dansa og skemmta fólki alveg svakalega í tvo tíma. En að koma niður af þessu adrenalíntrippi þá duttum við í það á hverju kvöldi. Fórum út að skemmta okkur eftir sýninguna,“ segir Zac.
En hann hefur breytt lífsstíl sínum og breiðir út boðskapnum með Connor. „Það er erfitt fyrir karlmenn að tala um tilfinningar og við viljum hvetja þá til þess.“
Zac og Connor segja að þeir hefðu leitað til áfengis og vímuefna til að kljást við stress. „Iðnaðurinn er mjög upp og niður. Eina mínútuna er ég á sviði við hliðina á Hugh Jackman og er að koma fram á Brit Awards og næstu mínútuna hef ég ekki efni á mat,“ segir Zac.
„Þegar við vorum að vinna fórum við út að skemmta okkur í kjölfarið, okkur var boðið á VIP-svæði á skemmistöðum og fengum helling af áfengi. En við vorum líka að æfa svo mikið, verandi íþróttamenn eru líkamar okkar svo mikilvægir.“
Connor lýsir nokkrum ógnvekjandi áhrifum lífsstílsins. „Þetta varð mjög slæmt og á tímum var ég að upplifa ofsóknaræði og geðveiki af völdum kókaínsneyslu og síðan svefnlömun og svefnleysi.“
Það var ekki fyrr en kórónuveirufaraldurinn skall á og þeir gátu ekki komið fram lengur sem þeir settust niður til að ræða lífsstílinn og hvaða áhrif hann hefði á þá. Nú vonast þeir til að hjálpa öðrum karlmönnum.