Tjáningar Kötlu eru settar fram á ljóðrænan og músíkalskan hátt til að varpa sýn á alræmda eldfjallið, eðli þess og nýju Netflix-þáttaröðina sem ber nafn eldfjallsins.

Til að tengjast Kötlu rýndu tónlistarmaðurinn Högni Egilsson og eldfjalla- og jarðskjálftafræðingurinn Kristín Jónsdóttir í gögn um skjáftavirkni eldfjallsins. Söngkonan Guðrún Ýr Eyfjörð, sem leikur Grímu í þáttunum, ljáir fjallinu rödd sína í verkinu en henni til halds og trausts er verðlaunakórinn Cantoque.

Uppistaða verksins er ljóð samið af Högna og Andra Snæ Magnasyni. Rödd Guðrúnar Ýrar táknar svo innri rödd Kötlu þar sem hún syngur söguna sem lýsir samskiptum fólks og náttúru.

Eldfjallagögnin búa til stemningu, bakgrunn og hljóðheim fyrir verkið. „Inni í Kötlu eru mörg virk svæði sem hafa sína eigin jarðskjálftatíðni. Við tókum þessar tíðnir og breyttum þeim yfir í músíkalska tjáningu. Jarðskjálftavirknin er í raun samtal á milli þessara svæða – mismunandi raddir,“ segir Högni. Söngvararnir í kórnum ljá mismunandi svæðum rödd sína til að búa til flókið en samræmt hljóð náttútunnar.

Við skoðuðum gögn 20 ár aftur í tímann, hið nýja árþúsund. Við lítum á þetta verk sem upphafið á nýju tímabili – listaverk í leit af samhljómi fólks og náttúru sem fær okkur til að hlusta, finna og endurspegla. Jafnvel frumspekilegt rými þar sem maður og eldfjall sameinast,“ segir Högni.