Edda Falak, íþróttakona, áhrifavaldur og annar þáttastjórnanda vinsæla hlaðvarpsþáttarins Eigin Konur, tjáir sig um mál Sölva Tryggvasonar á Twitter.

Sölvi Tryggvason fjölmiðlamaður var í gær kærður til lögreglu fyrir ofbeldi. Samkvæmt yfirlýsingu lögmannsins Kristrúnar Elsu Harðardóttur hafa tvær konur leitað til hennar með ásakanir um meint ofbeldi Sölva gegn sér.

Sjá einnig: Sölvi Tryggvason hefur verið kærður til lögreglu

Edda hefur verið áberandi í umræðunni undanfarið um ofbeldi gegn konum og rétt kvenna yfir eigin líkama. Nú síðast tók hún, ásamt Fjólu Sigurðardóttur, viðtal við talsmann Stígamóta, Steinunni Gyðu- og Guðjónsdóttur. Fyrsta viðtalið sem þær tóku var við Kamillu Ívarsdóttur sem greindi frá hrottalegu ofbeldi sem hún varð fyrir af hálfu þáverandi kærasta.

Edda birti nokkrar færslur á Twitter í gær um mál Sölva og gagnrýnir viðtalið sem hann tók við sjálfan sig ásamt lögmanni sínum, Sögu Ýrr Jónsdóttur, þar sem þau ræddu sögusagnir um Sölva.

Ég hef bara aldrei orðið vitni að jafn rætinni herferð gegn þolanda.

— edda falak (@eddafalak) May 5, 2021

„Ég hef bara aldrei orðið vitni að jafn rætinni herferð gegn þolanda,“ segir Edda.

„Það er mikil áhersla í viðtalinu á að hann sé góður strákur og þess vegna gerir hann ekkert rangt. Hann talar um að hann sé ekki reiður við konuna og segir að hún sé ósátt við sambandsslitin. Líklega til að undirbúa að geta lýst henni seinna sem geðveikri. Þarna er hann að spila sig sem svo góðan að hann sjái það góða í öllum. Gerir samt þetta öfgafulla viðtal við sjálfan sig og ræðst á þolandann af fullum þunga,“ segir Edda og heldur áfram.

„Hann flýtir sér að birta þetta viðtal til að vera á undan frásögn þolandans og fá fólk með á sitt band sem fyrst. Hann talar mikið um afleiðingar ofbeldis eins og hann hafi stúderað þær en ekki eins og hann upplifi þær raunverulega.“

Edda segir Sölva hafa grátið „mjög ýkt með tilþrifum en það komu engin tár.“

„Á einum tímapunkti í viðtalinu kemur fram mjög mikil reiði gagnvart Mannlífi fyrir að hafa ekki tekið fréttina út en á öðrum tímapunkti í viðtalinu segist hann ekki vera reiður út í neinn. Skilvirk taktík að spila sig sem svo góðan að hann reiðist engum, svo gleymir hann sér.“

“Er ég góð kona, nei ég veit það ekki” “jú þú ert góð stúlka”
– þjóðin öll: “bravó góða stúlkan sem sýndi tilfinningar”

Enginn ever.

— edda falak (@eddafalak) May 5, 2021