fbpx
Laugardagur 12.júní 2021
Fréttir

Sölvi Tryggvason hefur verið kærður til lögreglu

Ágúst Borgþór Sverrisson
Miðvikudaginn 5. maí 2021 19:36

Sölvi Tryggvason. Aðsend mynd.

Ekki missa af Helstu tíðindum dagsins í pósthólfið þitt

Lesa nánar

Sölvi Tryggason fjölmiðlamaður var í dag kærður til lögreglu fyrir meint ofbeldi gegn konu. Konan sem kærir Sölva kom við sögu í viðtali Sögu Ýrr Jónsdóttur, lögmanns Sölva, sem birt var í gær. Þar segir hann að konan, sem hann átti í sambandi við, hafi hótað sér mannorðsmissi og hann hafi í viðbragði við þeim hótunum hringt í lögreglu. Atvikið mun hafa átt sér stað um miðjan marsmánuð. Í kjölfarið hafi sögusagnir um hann farið á kreik.

Lögmaður konunnar sem í hlut á hefur sent frá sér yfirlýsingu um málið til Fréttablaðsins en DV hefur haft vitneskju frá því um miðjan dag að yfirlýsingin væri yfirvofandi.

Konan vill ekki láta nafn síns getið og er ekki nafngreind í yfirlýsingu lögmannsins.

Tvær konur ásaka Sölva

Samkvæmt yfirlýsingu lögmannsins Kristrúnar Elsu Harðardóttur eru það tvær konur sem leitað hafa til hennar með ásakanir um meint ofbeldi Sölva gegn sér. Áðurnefnda konan kærði Sölva til lögreglu í dag en hin hefur ekki kært. Konurnar eru ekki nafngreindar. Um atvikið 14. mars sem áður hefur verið rætt um, þar sem Sölvi segist hafa haft samband við lögreglu vegna hótana um mannorðsmissi, segir lögmaðurinn:

„Önnur konan hefur kært Sölva fyrir líkamsárás. Hún kveður atvikið hafa átt sér stað á heimili hennar hinn 14. mars síðastliðinn. Lögregla kom á vettvang. Farið var með Sölva á lögreglustöð og skýrsla tekin af honum þar. Síðar um kvöldið var tekin skýrsla af umbjóðanda mínum á heimili hennar.“

Önnur kona sem leitaði til lögmannsins og sakar Sölva um ofbeldi segist hafa kynnst honum á Tinder og sagt honum að hún væri með reikning á OnlyFans:

„Hann hafi þá boðist til að vera með henni í myndbandi án þess að sæist í andlit hans en hún hafi þá sagt honum að hún ynni eingöngu með einstaklingum sem hún þekkir og treystir. Í framhaldi kveður hún þau hafa ákveðið að hittast á heimili Sölva til að kynnast og spjalla. Sú heimsókn endaði að hennar sögn með því að hann braut á henni kynferðislega,“ segir í yfirlýsingu Kristrúnar.

Yfirlýsing konunnar

Önnur konan sem sarka Sölva um ofbeldi, sú sem hann var í sambandi við og kærði hann til lögreglu í dag hefur birt eftirfarandi yfirlýsingu um málið:

„Ég hafði ekki séð fyrir mér að tjá mig um þetta mál í fjölmiðlum. Mér finnst ég hins vegar tilneydd til þess að gera það þar sem að Sölvi kom fram í hlaðvarpsþætti sínum í gærkvöld og ræddi um okkar samband og atvik sem átti sér stað hinn 14. mars sl. Þar fór hann með rangt mál og þykir mér nauðsynlegt að leiðrétta það sem þar kom fram. Ég er ekki að stíga fram til þess að ráðast á hann. Það er hins vegar mikilvægt að sannleikurinn komi í ljós.

Það er rétt að við Sölvi áttum í ástarsambandi í rúma fjóra mánuði. Sambandið var litað af andlegu ofbeldi hans í minn garð og dómerandi persónuleika hans. Hann sýndi mér sífellt meiri yfirgang eftir því sem leið á sambandið. Þá sýndi hann mér einnig yfirgang í kynlífi og spurði mig tvívegis á meðan á því stóð hvort ég vildi að hann nauðgaði mér. Það fyllti mig viðbjóði og óöryggi í samskiptum við hann. Í lok janúar 2021 fórum við saman í bústaðarferð sem endaði með því að hann tók brjálæðiskast og ég varð mjög hrædd. Eftir það töluðum við lítið sem ekkert saman í mánuð. Í byrjun mars 2021 fórum við að tala saman aftur. Hinn 14. mars sl. kom Sölvi til mín, við fórum í göngutúr og stoppuðum til að ræða málin. Hann fór þá að segja að hann vildi þetta samband ekki lengur. Ég sagði þá að hann ætti ekki að vera í sambandi sem hann vildi ekki og gekk í burtu. Hann brjálaðist þá og öskraði á mig að koma til baka. Þá var fólk á hestbaki sem fór þarna hjá og ætti að hafa heyrt hvað gekk á. Við öskrin og uppnámið varð ég hrædd og hringdi í vinkonu mína og bað hana að sækja mig. Eftir að vinkona mín kom þá fattaði ég að lyklarnir mínir voru í bílnum hans og ég þurfti að fara til baka og sækja þá. Hann náði þá að sannfæra mig um að fara með honum aftur heim til mín. Hann sótti mat og við borðuðum. Eftir það fór hann aftur að tjá mér að hann vildi þetta samband ekki lengur. Ég sagði það gott og vel. Svo virtist þá sem hann væri ósáttur með hversu lítil viðbrögð mín voru og tjáði ég honum þá að mér þætti hann ekki vera góð manneskja. Hann væri með grímu úti í samfélaginu og að fólk vissi ekki hver hann væri í raun og veru. Ég bað hann þá að fara, yfirgefa heimili mitt en hann neitaði því. Ég sagði honum þá að ég myndi segja öllum hvaða mann hann hefði að geyma. Sölvi rauk þá upp og hrinti mér í gólfið. Þegar ég stóð upp þá tók hann mig hálstaki með báðum höndum og sagði mér að taka þetta til baka en ég neitaði. Hann sleppti þá takinu og hringdi í lögreglu og tilkynnti að hér væri manneskja að hóta honum að eyðileggja mannorð hans. Þá kom lögregla á staðinn og ég greindi þeim frá ofbeldinu sem hafði átt sér stað. Farið var með Sölva á lögreglustöð í skýrslutöku og síðar um kvöldið var tekin skýrsla af mér á heimili mínu.

Ég vil taka fram að ég veit ekki hvaðan sú saga sem nú er í fjölmiðlum er tilkomin en hún kemur ekki frá mér. Ég er ekki vændiskona og atvikið sem um ræðir átti sér stað 14. mars sl. en ekki fyrir tveimur vikum. Hvort fleiri atvik hafi átt sér stað með öðrum konum er eitthvað sem Sölvi þarf að svara fyrir en ekki ég.

Að endingu vil ég óska eftir því að fjölmiðlar birti ekki nafn mitt af tillitssemi við fjölskyldu mína.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Íslendingar missa sig yfir stærsta lottóvinning Íslandssögunnar – „Var að frétta að Sigríður Andersen hafi verið að vinna 1,2 milljarða“

Íslendingar missa sig yfir stærsta lottóvinning Íslandssögunnar – „Var að frétta að Sigríður Andersen hafi verið að vinna 1,2 milljarða“
Fréttir
Fyrir 3 dögum

Fjöldi fólks horfði á Guðmund Elís verða fyrir grófum barsmíðum – Enginn lét lögreglu vita

Fjöldi fólks horfði á Guðmund Elís verða fyrir grófum barsmíðum – Enginn lét lögreglu vita
Fréttir
Fyrir 3 dögum

Persónunjósnamálið á Bessastöðum – Engin svör berast frá lögreglu eða forsetaembættinu – „Ég sagðist ekki ætla að svara neinu“

Persónunjósnamálið á Bessastöðum – Engin svör berast frá lögreglu eða forsetaembættinu – „Ég sagðist ekki ætla að svara neinu“