Raunveruleikastjarnan Kim Kardashian féll á „litla“ lögfræðiprófinu (e. baby bar exam) og er að endurhugsa markmið sitt um að verða lögfræðingur í nýjasta þætti Keeping Up With The Kardashian.
Kim hefur síðastliðið ár verið að læra lögfræði og er að taka fjögurra ára nám í stað fyrir þriggja ára. Í lok fyrsta árs þurfti hún að taka „baby bar exam“ og fékk 474 stig, en þurfti 560 stig til að ná því.
Í stiklunni hér að neðan fyrir næsta þátt af Keeping Up With The Kardashian útskýrir hún fyrir systrum sínum hvað henni þykir þetta leiðinlegt að hafa ekki náð. Sérstaklega vegna þess að hún eyddi svo miklum tíma í að læra undir prófið, tíma sem hún hefði getað varið með börnunum sínum.
Systurnar stappa í hana stálinu og segja að faðir þeirra heitinn, Robert Kardashian, hefði verið stoltur af henni. En hann var lögfræðingur og var til dæmis einn lögfræðinga O.J Simpson.
Þátturinn var tekinn upp í október 2020 og Kim virðist vera enn ákveðinn að vera lögfræðingur miðað við mynd af sér læra úti í sólinni í apríl síðastliðinn.