Gary Hardwick var átján ára gamall og viðstaddur jarðaför þegar hann hitti „ástina í lífi“ sínu árið 2015. Almeda var þá 71 árs og var að syrgja son sinn, Robert.
Þrátt fyrir 53 ára aldursbil þá urðu þau ástfangin og giftust þremur vikum eftir fyrsta stefnumótið. Þau stunduðu kynlíf í fyrsta skipti brúðkaupsnóttina.
Nú eru liðin sex ár og eru þau enn jafn ástfangin. Þau hafa vakið mikla athygli fyrir myndbönd sín á TikTok en hafa einnig verið gagnrýnd fyrir að birta „of kynferðisleg“ myndbönd. TikTok hefur fjarlægt mörg myndbanda þeirra vegna þessa.
Gary fagnaði sambandsafmæli þeirra á dögunum og birti nokkrar myndir af þeim í gegnum árin í myndbandi á TikTok.
„Ég kynntist ástinni í lífi mínu þegar ég var átján ára og hún var 71 árs […] Það eru komin nær sex ár og ég verð ástfangnari með hverjum deginum,“ segir hann.
@_garyandalmeda_I forever cherish our love. ❤️💍 ##agegap ##agegapcouple ##agegaprelationship ##garyandalmeda ##loveislove ##beyou♬ original sound – Unhappy
Myndbandið vakti mikla athygli og fengu hjónin í kjölfarið fjölda spurninga um samband sitt. Gary svaraði nokkrum spurningum og viðurkenndi að ein þeirra færi verulega í taugarnar á honum.
Aðspurður hvernig hann myndi taka því ef Almeda myndi deyja sagði Gary: „Þetta er spurning sem við fáum að heyra frekar oft. Þetta er frekar skrýtin spurning […] Bara því einhver er eldri en þú og þú ert með þeirri manneskju, þá þýðir það ekki að hún muni deyja á undan. Ég gæti dáið á undan henni. Við vitum það ekki fyrir vissu að við fáum morgundaginn þannig þetta er ekki eitthvað sem ég hugsa um.“
Hjónin hafa nýlega stofnað OnlyFans síðu þar sem þau selja erótískt myndefni.
View this post on Instagram