Tilhugalífið getur verið jafn óþolandi og leiðinlegt eins og það getur verið spennandi og skemmtilegt. Ef þú ert að velta fyrir þér hvers vegna karlmaður hefur ekki svarað skilaboðum frá þér þá er mögulega maður nokkur með svarið.
Hann kallar sig HaydarW á samfélagsmiðlum og er giftur maður frá Tyrklandi, en búsettur í Ástralíu. Hann nýtur mikilla vinsælda á TikTok fyrir myndbönd sín um sannleikann á bak við sambönd og samskipti kynjanna.
Í einu myndbandi nefnir hann fjórar ástæður fyrir því að karlmaður svari ekki skilaboðum. Hann segir það geta verið vegna þess að „honum leiðast skilaboðin frá þér,“ „honum finnst eins og hann sé að sjá um alla vinnuna“, „hann hafði aldrei það mikinn áhuga til að byrja með“ eða „hann hefur fundið einhverja aðra.“ Hann segir algengustu ástæðuna vera þá að karlmaðurinn hafði aldrei áhuga til að byrja með.
Haydar hefur einnig greint frá fimm atriðum sem gefa til kynna að þú sért ekki í rétta sambandinu. Eins og ef makinn er „stöðugt að vanvirða þig“ og ef þú hugsar reglulega um að slíta sambandinu. „Þegar þú ert oftar óhamingjusöm en hamingjusöm,“ segir hann.
@haydarbey_w_96##preteningtoloveyou ##haydar_w_1996 ##theydontcareaboutyou ##theyneverlikeyouback ##foryoupage ##knowyourworth ##foryou ##fyp ##foryoupage ##valueyourself ##fyp♬ original sound – łüćŷ
Haydar hvetur einnig þær konur sem líður eins og kærastinn sé kannski að þykjast elska þær að taka eftir hvort kærastinn velji vinina fram yfir þær.
Hann segir að stærsta vísbendingin um að makanum þykir ekki vænt um þig er ef hann daðrar opinskátt við aðrar konur.
Sjá einnig: Segir allar konur þrá þessa týpu af karlmanni – „Í alvöru, er eitthvað kynþokkafyllra?“
Í öðru myndbandi fer Haydar yfir fjóra hluti sem karlmenn, að hans sögn, gera áður en þeir halda framhjá. „Hann byrjar að rífast oftar,“ „hann talar mikið um framhjáhald“, „hann er fjarlægari“ og „hann breytir rútínunni sinni og vinnur oftar fram eftir.“
Eins og fyrr segir hafa myndbönd Haydar slegið í gegn, það er þó rétt að taka fram að hann er hvorki lærður sambandsráðgjafi né sérfræðingur í þessum málum. En fjöldi kvenna virðast tengja við myndböndin og kunna að meta ráð hans.
„Þetta eru öll merkin sem ég er að taka eftir í mínu sambandi en ég get samt ekki farið frá honum,“ segir ein kona.
„Já svo satt, ég var að fara í gegnum þetta í síðustu viku,“ segir önnur kona við myndbandið um af hverju karlmaður svarar ekki skilaboðum.