Michael Stomatuk er 44 ára fyrirsæta og í sambandi með konu sem er 19 árum yngri en hann. Hann segir að hann sé stöðugt áreittur af afbrýðisömum aðdáendum sem vilja að hann hætti með kærustunni og sigli á ný mið.
Hann kynntist kærustu sinni, Emily Downing sem er 25 ára gömul, árið 2018 í jógatíma og féll hann umsvifalaust fyrir náttúrulegri fegurð hennar og hæfileikum hennar í jóga. Hann reyndi strax við hana en Emily var þó hikandi vegna aldursmunarins. Hún samþykkti þó að skiptast á símanúmerum við Michael og fljótlega samþykkti hún að fara með honum á stefnumót.
Hann segir: „Ég hélt fyrst að Emily væri mjög indæl og afslöppuð og hún minnist þess að hafa hugsað að ég væri mjög fundinn og með jákvæða orku í kringum mig – en hún var þó smá hikandi vegna þess að það eru 19 ár á milli okkar. Hins vegar varð ég hrifinn af henni og við skiptumst á númerum og skipulögðum stefnumót nokkrum dögum síðar og fórum saman að viðra hund hennar.
Ég held að við höfum bæði fundið fyrir tengingu en út af fyrra sambandi mínu og aldursmuninum fórum við hægt í sakirnar og flýttum okkur hægt inn í samband.“
Michael deilir sögu sinni á TikTok og hefur þar fengið athugasemdir á borð við „Þú ert með svo fallegt bros“ og „Ég elska á þér hárið“ og það hefur aukið sjálfstraust hans. Hins vegar hefur hann einnig fengið athugasemdir sem honum þykja óþægilegar, einkum frá konum.
„Ég er kominn með yfir hálfa milljón fylgjenda og ég er mjög þakklátur fyrir það og fæ oft athugasemdir á almannafæri frá ókunnugum sem spyrja „Hey ert þú ekki heiti gaurinn af TikTok?“ Ég hef líka fengið athugasemdir frá kvenkyns aðdáendum, sem og karlkyns, sem eru kynferðislegar eins og „Hey pabbi“ og „Guð minn góður þú ert pabbi sem ég væri til í að fá í rúmið (e.dilf)“ sem ég tek með fyrirvara þar sem þær geta verið ansi fyndnar. Þessar athugasemdir hafa ekki haft áhrif á samband mitt við Emily en hún hefur þó fengið skilaboð frá fólki um að ég sé henni ótrúr og að hún ætti að hætta með mér – sem er lygi og Emily veit það sem er það eina sem skiptir máli. En það er þó ekki auðvelt fyrir hana að fá svona skilaboð. Hvort sem þú ert með manneskju sem er fimm árum yngri en þú eða tuttugu þá ræður þú því ekki fyrir hverjum þú fellur.“
Athugasemdir sem Michael hefur fengið hljóma oft svona : „Hey pabbi, viltu gefa mér smá sykur?“ og „Ertu enn á föstu?“
Michael og Emily reyna að leiða þetta hjá sér og Michael segir: „Ekki taka lífinu svona alvarlega. Við skilum að það er ekki fyrir alla að vera í sambandi með miklum aldursmun og það eru aðilar þarna úti sem verða afbrýðisamir – en ekki taka því persónulega og vertu ánægður með þá ást sem þú hefur fundið.“
