Það nýjasta og heitasta í sundfatatískunni í dag er klárlega öfug bikiní og geta margir verið þakklátir fyrir þessa tísku því ólíkt svo mörgum tískubylgjum krefst öfuga bikiníið þess ekki að þú rjúkir út í búð og kaupir það dýrum dómum.
Til að klæðast öfugu bikiní þarftu bara venjulegt bikiní nema í staðinn fyrir að binda það um hálsinn þá snýrðu því á hvolf og bindur böndin sem vanalega eru bundin fyrir aftan bak – um hálsinn og böndin sem áður fóru um hálsins eru nú bundin fyrir aftan bak.
Að sjálfsögðu hafa systurnar í Kardashian-fjölskyldunni verið brautryðjendur í þessu æði og hafa deilt funheitum myndum af sér í öfugum bikiníum. Í rauninni þarftu ekki einu sinni að binda toppinn samkvæmt ofangreindum leiðbeiningum heldur eru allar hefðbundnar leiðir til að binda bikinítopp í tísku í dag.
Virkilega hentugt og krefst þess ekki að þú farir í búðina.
Nú er bara að bíða eftir bólusetningu og baða sig svo í sólinni í öfugu bikiní. ‘
View this post on Instagram
View this post on Instagram
