Venjulega þegar konur eignast börn byrja þær að framleiða brjóstamjólk. En kvenlíkaminn gengur í gegnum svo ótrúlega margt á þessum tíma og stundum geta furðulegar aukaverkanir fylgt meðgöngunni.
Móðir segir frá því að hún glímir við undarlegan kvilla eftir að hafa eignast barnið sitt, konan kallar sig @ollieoooop á TikTok og getur kreist mjólk úr handarkrikanum sínum.
„Ég er að fara að afhjúpa mig, þannig verið góð við mig. Ef þú ert mamma og hefur gefið brjóst, þá veistu kannski um þetta sem kallast „pitties“,“ segir hún í myndbandinu.
„Þá ertu með brjóstavef í handarkrikanum og þegar brjóstin byrja að fyllast af mjólk, þá gerist það sama fyrir vefinn í handarkrikanum.“
Hún segir að það hafi verið „nógu ógeðslegt“ að heyra um þetta, en hún ætlar samt sem áður að sanna það fyrir áhorfendum. Hún kreistir síðan hægri handarkrika sinn og út kemur mjólk.
Sjáðu myndbandið hér að neðan.
@ollieoooopPls don’t let me have made this for nothing ##breastfeedingmom ##weird ##talent ?? ##milk ##weirdbodythings ##weirdbodytrick ##momsoftiktok ##justmomthings♬ original sound – ollieoooop
Þó þessi kvilli sé sjaldgæfur þá er hún alls ekki sú eina. Mörg hundruð kvenna sendu henni skilaboð og skrifuðu við myndbandið að þær glímdu við það sama eftir barnsburð.