Tónlistarmaðurinn Kanye West er að slá sér upp með fyrirsætunni Vinetria.

Samkvæmt heimildarmönnum Page Six hafa þau verið að slá sér upp í nokkra mánuði en fyrst sást til þeirra opinberlega á körfuboltaleik í Minneapolis um helgina.

Kanye er rúmlega tuttugu árum eldri en Vinetria. Hann er 44 ára og hún 22 ára.

Það voru teknar myndir af parinu sem hafa farið eins og eldur í sinu um netheima.

Það er tæpt ár síðan fyrst var greint frá skilnaði Kanye og raunveruleikastjörnunnar Kim Kardashian.

Sjá einnig: Netverjar missa sig yfir myndum af Kim Kardashian og Pete Davidson haldast í hendur

Slúðurmiðlar vestanhafs keppast við að greina frá meintu ástarsambandi Kim og Pete Davidson. Fyrst þegar getgátur um mögulegt samband þeirra fóru af stað þá sögðu heimildarmenn nákomnir stjörnunum að þau væru bara vinir. En í síðustu viku sagði heimildarmaður Entertainment Tonight að þau væru ekki lengur bara vinir.

„Pete og Kim hafa verið að njóta þess að eyða tíma saman og eru að skemmta sér,“ sagði heimildarmaður ET. „Þau eru bæði nýlega einhleyp.“

„Þau eru að skemmta sér konunglega saman. Pete fær Kim til að hlæja og lætur henni líða eins og hún sé sérstök. Pete er augljóslega í skýjunum og er mjög skotinn í Kim,“ sagði annar heimildarmaður ET.

Sjá einnig: Tímalína um samband Kim Kardashian og Kanye West