Það eru skiptar skoðanir á því hversu lengi eigi að bíða eftir því að sofa hjá í upphafi sambanda og hafa margir sett sér viðmið eða reglur sem gjarnan miða við fjölda stefnumóta sem par hefur farið á eða hversu lengi maður hefur þekkt viðkomandi. Kona nokkur á TikTok segir þó að það sé mikilvægt að bíða ekki með það, helst eigi að ljúka þessu af á fyrsta stefnumóti – það hafi hún lært af reynslunni.
„Ok ég ætla að segja ykkur hvers vegna það er bráðnauðsynlegt að stunda kynlíf á fyrsta stefnumóti,“ segir Eve Cullin í myndbandi sem hún deildi á TikTok. Eve segir að hún hafi komist að þessari niðurstöðu eftir nýlega lífsreynslu.
„Ég var nýlega að hitta mann. Við vorum að fara hægt í sakirnar og vorum líklega búin að fara á bilinu 10-15 stefnumót áður en við sváfum saman, „segir Eve. Áður en hún og maðurinn stunduðu kynlíf í fyrsta skiptið spurði hún hann hvað honum þætti gott í kynlífinu og hvort hann væri með einhver blæti. Hann svaraði: „Nei, ég er ekki með nein sérstök blæti – engar sérþarfir.“
Þau hófust þá handa við lárétta limbóið. „Í fyrstu var þetta bara fínt, typpið hans var fínt, hann var fínn – en svo byrjaði hann að klæmast.“
Eve bendir á að það sé ekkert að því að klæmast, það geti verið kynþokkafullt og kryddað upp í kynlífinu. „En þessi maður var ekki að klæmast með neinum hefðbundnum hætti. Hann hefði bókstaflega getað sagt allt í heiminum – annað en það sem hann sagði.“
Það sem hann sagði var:
„Ójá, ójá – viltu að ég barni þig? Viltu að ég setji barn inn í þig svo allir viti að þú sért mín? Ójá viltu að ég barni þig.“
Eve segist ekki leggja það í vana sinn að blætisskamma aðra, en þetta hafi hreinlega verið alltof galið og auk þess hafi hún sérstaklega spurt hann fyrir kynlífið hvort hann væri með einhver blæti og hann hafi fullyrt að svo væri ekki.
„Þetta er það minnst kynþokkafulla sem maður getur mögulega sagt.“
Eve segir að maðurinn hafi beðið hana um að klæmast á móti. „Hverju í fjandanum vildi hann að ég svaraði honum? „Já viltu borga fyrir fóstureyðinguna mína?“;„Já viltu vera einstæður faðir?“ Hvað í fjáranum??“
Eve gat ekki hugsað sér að halda áfram að hitta manninn eftir þetta og sér eftir því að hafa sóað heilu mánuðunum í að kynnast honum. Hefði hún bara látið vaða á fyrsta stefnumóti hefði hún getað sparað sér þennan tíma.
„Stundið kynlíf á fyrsta stefnumóti – þið heyrðuð það fyrst hér. Ekki segja að ég hafi ekki varað ykkur við.“
@eveculling Instagram @ eveculling #TakeTheDayOffChallenge ♬ Calm LoFi song(882353) – S_R