Elísa Gróa Steinþórsdóttir var valin Miss Universe Iceland 2021 í gærkvöldi. Keppnin fór fram í Gamlabíói.
Elísa Gróa er 27 ára dansari, förðunarfræðingur og flugfreyja. Hún er úr Garðabæ og stundaði nám við Verzlunarskóla Íslands.
Það mætti segja að hún sé reynslubolti þegar kemur að fegurðarsamkeppnum. Þetta er fjórða skipti sem hún tekur þátt í Miss Universe en hún hefur einnig áður tekið þátt í Ungfrú Ísland.
Árið 2015 tók hún þátt í Ungfrú Ísland. Árið 2016 færði hún sig yfir í Miss Universe Iceland og lenti í fjórða sæti. Árið 2017 lenti hún í þriðja sæti og svo tók hún aftur þátt árið 2018. Hún var einnig valin Miss Eco Iceland árið 2019 og tók þátt í Miss Eco International í Egyptalandi.
2021 er greinilega hennar ár og mun hún fara út til Ísrael í desember fyrir hönd Íslands til að taka þátt í Miss Universe.
Elísa Gróa sagði að fegurðarsamkeppnir væru lífsstíll í viðtali við Smartland árið 2017 og að hún hefur alltaf haft mikinn áhuga á slíkum keppnum.
Fókus óskar Elísu Gróu innilega til hamingju með titillinn.
Horfðu á þegar úrslitin voru kynnt í spilaranum hér að neðan.
